Bakı. Trend:
İranın müdafiə naziri Əmir Xətami Tehran və Moskva arasında hərbi sahədə əməkdaşlığın səviyyəsindən məmnunluq ifadə edib.
Bu barədə Trend IRNA agentliyinə istinadən xəbər verir.
Nazir rusiyalı həmkarı Sergey Şoyqu ilə görüş zamanı bildirib: "İran və Rusiya arasında hərbi əməkdaşlıq əhəmiyyətli inkişaf dövrünü yaşayır".
Onun sözlərinə görə, ölkələr Suriyada terrorizmin tam aradan qaldırılması üçün əməkdaşlığa davam edəcəklər.