Bakı. Trend:
Nikaraquada etiraz aksiyaları zamanı ölənlərin sayı 351-ə çatıb.
Trend-in məlumatına görə, bu barədə Nikaraquanın insan hüquqları üzrə assosiasiyasından bildiriblər.
Məlumata əsasən, etiraz aksiyalarında daha 40 nəfər həlak olub. Beləliklər, ölənlərin sayı 351-ə çatıb.
Bildirilir ki, 2,1 min insan etiraz aksiyaları zamanı xəsarət alıb, 329 nəfər isə oğurlanıb.
Qeyd edək ki, Nikaraquada etiraz aksiyaları aprelin 18-dən hakimiyyətin təklif etdiyi islahatlar fonunda başlayıb. Ölkə prezidenti Daniel Orteqo sözügedən islahatı ləğv edib. Etiraz aksiyaları zamanı son 40 ölüm faktı nəzərə alınmaqla 351 nəfər həlak olub.
BMT-nin insan hüquqları üzrə Ali komissarının idarəsi daha əvvəl Nikaraquada hökumət əleyhinə etirazlar zamanı ölən və yaralananların artması ilə əlaqədar narahatlığını bildirib.