"Xiamen Airlines"ın təyyarəsi Manilada qəza enişi edib
Bakı. Trend:
Çinin "Xiamen Airlines" aviaşirkətinin "Boeing-737-800" təyyarəsi Filippinin paytaxtı Manilada qəza enişi edib.
Trend-in məlumatına görə, qəza enişi edən təyyarə Syamen-Manila reysini həyata keçirirdi.
Məlumata əsasən, təyyarə eniş etmədən öncə bir saata yaxın hava limanının üzərində uçub. Eniş edəndən sonra təyyarə uçuş-eniş zolağından kənara çıxıb.
Hazırda sərnişinlərin təcili təxliyəsi aparılır. Ölən və xəsarət alanlar barədə məlumat verilmir.
