Bakı. Trend:
İranda ötən həftə başlayan daşqınlar nəticəsində ölənlərin sayı 44 nəfər çatıb.
Trend-in "RİA Novosti"yə istinadən verdiyi məlumata görə, bu barədə ölkənin Fövqəladə Hallar üzrə İdarəsinin rəhbərinin müavini bildirib. Daha əvvəl 25 nəfərin öldüyü bildirilirdi.
Müavin deyib: "Fars əyalətində 21 nəfər, Gülüstanda 7 nəfər, Mazenderanda 5 nəfər, Şimali Xorasanda 3 nəfər, Kohgiluyə və Boyer-Əhməddə 2 nəfər, Kermanşahda 1 nəfər, Xuzestanda 1 nəfər, Lorestanda 2 nəfər, Həmədanda 1 nəfər və Semnanda 1 nəfər həlak olub".
Xatırladaq ki, 10 gün ərazində İranda davam edən güclü yağıntılar daşqınlara səbəb olub. Bəzi şəhər və kəndlər su altında qalıb. Gülüstan vilayətinin Gümüşan və Siminşəhr şəhərləri boşaldılıb.