Bakı. Trend:
Kanada ilə ABŞ polad və alüminium tədarükü ilə bağlı rüsumların 48 saat ərzində ləğv edilməsinə dair razılıq əldə ediblər.
Trend-in məlumatına görə, bu barədə tərəflərin birgə bəyanatında deyilir. Həmçinin Kanadanın ABŞ-ın bəzi məhsullarına cavab tarifləri ləğv edilib.
Məlumata əsasən, ABŞ və Kanada bu bəyannamənin verildiyi gündən iki gün gec olmayaraq, 232-ci maddəyə əsasən, Birləşmiş Ştatlar tərəfindən polad və alüminiuma tətbiq edilən bütün tarifləri və Kanada tərəfindən buna cavab olaraq tətbiq edilən bütün tarifləri ləğv etməyə razılıq verib.