Bakı. Trend:
Çinin Hubey mərkəzi vilayətində güclü yağışın səbəb olduğu dağ çaylarının daşması nəticəsində 9 nəfər həlak olub, daha dörd nəfər isə itkin düşüb.
Trend-in məlumatına görə, bu barədə "Sinxua" agentliyi bildirib.
Məlumata əsasən, hadisə avqustun 4-də yerli vaxtla saat 23:00-da baş verib. Həmin vaxtda güclü yağıntılar nəticəsində onlarla insan dağlıq dərəsinə düşüblər.
Hadisə yerinə 14 avtomobil və qəza-xilasetmə xidmətinin 60-dan çox əməkdaşı cəlb edilib. Axtarış işləri davam edir.