Bakı. İlkin Seyfəddini - Trend:
2020-ci il martın 1-dən başlayaraq “Uzbekistan Airways” aviaşirkəti Cənubi Koreyanın paytaxtı Seula müntəzəm reysləri müvəqqəti olaraq dayandırır.
Trend-in aviaşirkətə istinadən məlumatına görə, qərar koronavirusun Özbəkistanda yayılmasının qarşısının alınması məqsədi ilə verilib.
Qeyd olunub ki, fevralın 29-da Seuldan Daşkəndə gələn reysin sərnişinləri karantin məqsədilə müvəqqəti yerləşdirmə məntəqələrinə göndəriləcək.
Aviaşirkət rəhbərliyi sərnişinlərin yaxınlarına onları hava limanında qarşılamamağı tövsiyə edib.