Bakı. Trend:
Əfqanıstanda “Taliban” silahlıları ilə ordu qüvvələri arasında bir neçə bölgədə toqquşmalar qeydə alınıb.
Trend-in məlumatına görə, toqquşmalar nəticəsində azı 19 hərbçi həlak olub.
Onlardan 11 hərbçi ölkənin şimalındakı Sari-Pul əyalətində həlak olub. Daha 8 nəfər isə Loqar əyalətində nəzarət-buraxılış məntəqəsinə hücum zamanı həyatını itirib.
Bundan başqa, Qəndəhar əyalətində üç ayrı bölgədə “Taliban”ın hücumlarının qarşısı alınıb. Ümumilikdə 31 silahlı zərərsizləşdirilib.