...

Misir koronavirusa qarşı vaksinin tədarükünə dair kontrakt imzalayıb

Dünya xəbərləri Materials 5 İyul 2020 14:29 (UTC +04:00)
Misir koronavirusa qarşı vaksinin tədarükünə dair kontrakt imzalayıb

Bakı. Trend:

Misirin Farmasevtika İdarəsi “AstraZeneca” şirkəti ilə gələcəkdə Oksford Universitetinin COVID-19-a qarşı vaksininin tədarükünə dair kontrakt imzalayıb.

Trend xəbər verir ki, dövlət qurumu olan bu idarə vaksinin miqdarını və göndəriləcəyi vaxtı açıqlamayıb.

Bu ölkənin Səhiyyə Nazirliyinin məlumatı isə yeni növ koronavirus pandemiyasına yoluxmaların və vəfat edənlərin sayının azalmadığını göstərir. Belə ki, son sutka ərzində Misirdə daha 1342 nəfər COVID-19-a yoluxub, 79 pasiyent isə həyatını itirib. Yoluxanların ümumi sayı 74 mini keçib, 3280 pasiyent isə vəfat edib. Məlumatda indiyədək 20 mindən artıq insanın müalicə olunaraq evə buraxıldığı bildirilib.

Misir hökuməti bəyan edib ki, artıq karantin xəstəxanaları yerli farmasevtika şirkətlərinin istehsalı olan “Remdesivir” preparatı ilə təmin edilir. COVID-19-un müalicəsində effektiv olan bu dərmanın ixracı isə yerli tələbat ödənildikdən sonra həyata keçiriləcək.

Məqalədə:
Xəbər lenti

Xəbər lenti