Bakı. Trend:
Gürcüstanın Duşeti bələdiyyəsində baş verən avtomobil qəzasında 12 nəfər ölüb.
Trend-in məlumatına görə, bu barədə ölkənin Daxili İşlər Nazirliyi bildirib.
Məlumata əsasən, hadisə Biso kəndi yaxınlığında baş verib, nəticədə mikroavtobus təxminən 80 metr yüksəklikdən qayalı yamaca düşüb.
Daxili İşlər Nazirliyinin bütün aidiyyəti bölmələri, o cümlədən patrul və kriminal polis briqadaları, xüsusi texnika ilə yanğınsöndürmə və xilasetmə qrupları, təcili yardım briqadaları hadisə yerinə səfərbər olunub.
İlkin məlumatlara görə, mikroavtobusda 12 nəfər ölüb, 3 nəfər ağır yaralanıb.