Bakı. Trend:
Kolumbiyanın şimal-qərbində törədilən silahlı hücum nəticəsində ən azı 6 nəfər öldü.
Trend-in məlumatına görə, bu barədə "El Tiempo" qəzeti bildirib.
Məlumata əsasən, hadisə Saraqosa bələdiyyəsində baş verib. Bir qrup silahlı şəxs beş mədənçini və bilyard klubunun sahibini güllələyib.
Hakimiyyət orqanları hadisə ilə əlaqədar araşdırma aparır. Göstərilən əraziyə əlavə hərbi qüvvələrin göndərildiyi qeyd olunur.