Bakı. Orxan Nəbiyev - Trend:
Rusiyada oktyabrın 30-dan noyabrın 7-dək qeyri-iş həftəsi elan olunub.
Trend-in məlumatına, bunu ölkə prezidenti Vladimir Putin hökumətin onlayn formatda keçirilən iclasında deyib.
O bildirib ki, bu qərar koronavirus pandemiyası ilə əlaqədar qəbul edilib.
Qeyri-iş günlərinin noyabrın 7-dən sonra da uzadılması istisna olunmur.
Qeyd edək ki, Rusiyada koronavirusa yoluxanların sayı 8 milyonu, ölənlərin sayı isə 226 min nəfəri ötüb. Son günlər ölkə ərazisində 30 mindən çox gündəlik yoluxma, mindən çox ölüm qeydə alınır.