Bakı. Trend:
NATO Ukraynaya bioloji, kimyəvi, nüvə təhlükələrindən qorunmaq üçün avadanlıq verəcək, həmçinin kibertəhlükəsizlik sahəsində dəstək verəcək.
Trend-in məlumatına görə, bunu NATO-nun baş katibi Yens Stoltenberq mətbuat konfransı zamanı deyib.
"Bu gün biz Ukrayna üçün daha çox iş görməyə, o cümlədən kibertəhlükəsizliyə dəstək verməyə, həmçinin Ukraynaya özünü bioloji, kimyəvi, radioloji və nüvə təhlükələrindən müdafiə etməsi üçün avadanlıqların verilməsi üzrə razılaşdıq", - deyə Y.Stoltenberq bildirib.
Onun sözlərinə görə, NATO ölkələri Ukraynaya daha çox hərbi texnika verməyə və əlavə humanitar yardım etməyə razılaşıblar.