Bakı. Trend:
ABŞ Ukraynaya humanitar yardım üçün 1 milyard dollar ayırır və bu ölkədən 100 minə qədər qaçqını qəbul etməyə hazırdır.
Trend-in məlumatına görə, bunu ABŞ Prezidenti Cozef Bayden deyib.
"Bu gün mən ABŞ-ın 1 milyard dollardan çox humanitar yardım göstərməyə hazır olduğunu bəyan edirəm", - deyə C.Bayden bildirib.
Bundan əlavə, ABŞ Ukraynadan 100 minə qədər qaçqını qəbul etməyə hazırdır: "Biz həmçinin 100 min ukraynalını ABŞ-da qəbul edəcəyik və diqqətimizi ailələrin birləşməsinə yönəldəcəyik".