Bakı. Trend:
Zimbabvedə ziyarətçiləri Pasxa mərasiminə aparan avtobusun yoldan çıxaraq dərəyə aşması nəticəsində azı 35 nəfər ölüb, 71 nəfər yaralanıb.
Trend "Al Jazeera" ya istinadən xəbər verir ki, avtobusda cənub-şərqdəki Çipinqe şəhərində Pasxa yığıncağına gedən yerli Sion Xristian Kilsəsinin üzvləri olub.
"Qəza nəticəsində 35 nəfər ölüb, 71 nəfər isə yaralanıb", - yerli polis nümayəndəsi bildirib.
İlkin ehtimala görə, qəzaya səbəb avtobusun həddindən artıq yüklənməsi olub. Adətən Zimbabvedə avtobuslar 60-75 nəfərlik sərnişin tutumuna malikdir.