Bakı. Trend:
Kanadanın Ontario vilayətində kiçik təyyarənin qəzaya uğraması nəticəsində 4 nəfər ölüb.
Trend-in məlumatına görə, bu barədə "CTV" televiziya kanalı xəbər verib.
Hadisə vilayətin şimal-qərb hissəsində, yaşayış məntəqələrindən uzaq bir ərazidə baş verib. Xilasedicilər "Piper PA-28" təyyarəsinin qalıqlarını üzərində quraşdırılmış transponder vasitəsilə aşkar edə biliblər. Təyyarənin göyərtəsində dörd nəfər olub, onlar ölüb.
Qəzanın səbəbləri araşdırılır.