Bakı. Trend:
Beynəlxalq Futbol Federasiyasının (FIFA) sabiq prezidenti Yozef Blatterin və Avropa Futbol Assosiasisyaları İttifaqının (UEFA) sabiq prezidenti Mişel Platini ittiham olunduqları korrupsiya məsələsi ilə bağlı bəraət qazanıblar.
Trend-in məlumatına görə, bu barədə İsveçrə federal cinayət məhkəməsinin qərarında deyilir.
Məhkəmə onların Y.Blatterin M.Platiniyə ödədiyi 2 milyon frank dəyərində vəsaitin rüşvət olmadığını bildirib.
Qeyd edək ki, prokurorluq hər iki şəxsin 1 il 8 ay müddətinə şərti həbs cəzasını tələb edirdi.
Xatırladaq ki, FIFA və UEFA rəhbərləri 2015-ci ildə korrupsiya və fırıldaqçılıqda ittiham olunaraq cinayət məsuliyyətinə cəlb olunmuşdu.