Bakı. Trend:
Ötən 9 gün ərzində İranda leysan yağışları və çayların daşması nəticəsində 69 nəfər ölüb.
Trend-in məlumatın görə, bunu İranın Fövqəladə Hallar Təşkilatının sədr müavini Nejad Cahani deyib.
N.Cahaninin sözlərinə görə, həmçinin indiyədək 45 nəfər itkin düşmüş sayılır.
Cahani əlavə edib ki, ölənlərdən 6 nəfəri İraq vətəndaşıdır. Həmçinin 3 İraq vətəndaşı itkin düşüb.
Təşkilat rəsmisi qeyd edib ki, ölkənin 24 vilayətində daşqınlar müşahidə olunur. Ən çox zərərçəkən vilayət Tehran vilayətidir. Ölkədə 20 min evə ziyan dəyib və 7 min ev tam şəkildə təmir olunmalıdır.