Bakı. Trend:
Dünya Bankı "Ukraynanın təcili ehtiyaclarını ödəmək üçün" 610 milyon dollar ayrılması barədə qərarı qəbul edib.
Trend-in məlumatına görə, bu barədə təşkilatın saytında bildirilib.
"Dünya Bankı Qrupu bu gün Ukraynada davam edən müharibə şəraitində yardım və yenidənqurma səylərini gücləndirmək üçün layihələri özündə əks etdirən yeni maliyyə paketini açıqlayıb", - deyə qeyd olunub. Paket, xüsusilə Böyük Britaniyanın zəmanəti ilə veriləcək Beynəlxalq Yenidənqurma və İnkişaf Bankından 500 milyon dollar məbləğində kreditin verilməsini nəzərdə tutur.