Bakı. Trend:
Bu gün səhər saatlarında İranın cənub-qərbində yerləşən Kohgiluyə və Buyir Əhməd vilayətində Gəçsaran Neft-Qaz Hasilatı Şirkətində silahlı insident baş verib.
Trend-in məlumatına görə, bunu İranın Gəçsaran rayonunun qubernatoru Rəvanbəxş Deyhom deyib.
R.Deyhomun sözlərinə görə, şirkətin kimya məsələləri üzrə idarəsinə daxil olan şəxs silahla atəş açıb. Nəticədə 1 nəfər ölüb və 2 nəfər yaralanıb.
Atəş açan şəxs saxlanılıb. Hadisə ilə əlaqədar araşdırma aparılır.
Qeyd edək ki, İranın Gəçsaran Neft-Qaz Hasilatı Şirkəti Cənub Neft Zonaları Milli Şirkətinin tabeliyində fəaliyyət göstərir.