Bakı. Trend:
Filippində "Lady Mary Joy" adlı sərnişin gəmisində yanğın baş verib.
Trend xəbər verir ki, bu barədə cümə axşamı "ABS-CBN" mediaqrupu məlumat yayıb.
Məlumata əsasən, yanğın nəticəsində 12 nəfər həlak olub. Bildirilir ki, yanğın baş verən zaman gəmidə təxminən 200 nəfər olub.
Bildirilir ki, 57 sərnişin xilas edilib, onlardan 14-2 xəstəxanaya yerləşdirilib.
Qeyd edilir ki, itkin düşənlərin axtarışları davam etdirilir.
Yanğının səbəbi araşdırılır.