Bakı. Trend:
Türkiyənin Meteksan müdafiə sənayesi şirkəti kamikadze və dron təhdidlərinə qarşı effektiv müdafiəni təmin edən FELIX PUA hazırlayıb.
Trend-in xəbərinə görə, bu barədə TurkicWorld-a Türkiyə hərbi saytından məlumat verilib.
Məlumata əsasən, FELIX PUA 16-cı Beynəlxalq Müdafiə Sənayesi Sərgisində (IDEF 2023) nümayiş etdirilib.
Hava şəraitindən asılı olmayaraq FELIX PUA-dan hərəkət halında da istifadə edilə bilir.
Bundan əlavə, AESA/MIMO texnologiyası ilə hazırlanmış və PUA-ların aşkarlanması üçün fərdiləşdirilmiş Retinar AESA Radar Sistemi, hədəfə reaktiv qarışma qabiliyyətinə malik Elektron Hücum Sistemi və komanda-idarəetmə proqramı ilə FELIX həm sabit obyektlərin mühafizəsində, həm də VIP/konvoyda yeni nəsil yaxın sahədə hava hücumundan müdafiə sistemində işləyə bilən yeni nəsil təhlükəsizlik bölmələri üçün əhəmiyyətli olacaq.
Qeyd edək ki, FELIX PUA sahə sınaqlarını uğurla tamamlayıb.