...

İnsan alveri insanların əsas hüquq və azadlıqlarının kobud şəkildə pozulmasıdır - BMT-nin Baş katibi

Dünya xəbərləri Materials 30 İyul 2023 14:52 (UTC +04:00)
İnsan alveri insanların əsas hüquq və azadlıqlarının kobud şəkildə pozulmasıdır - BMT-nin Baş katibi
Elçin Mehdiyev
Elçin Mehdiyev
Bütün xəbərlər

Bakı. Trend:

İnsan alveri insanların əsas hüquq və azadlıqlarının kobud şəkildə pozulmasıdır.

Trend xəbər verir ki, bu barədə BMT-nin Baş katibi Antonio Quterreşin Ümumdünya insan alverinə qarşi mübarizə günü ilə əlaqədar müraciətində deyilir.

Müraciətdə bildirilir:

"Münaqişə və qeyri-sabitlik zamanı genişlənən insan alverinin qurbanları zəif təbəqədən olan insanlardır.

Bu gün, artan bərabərsizliklər, pisləşən iqlim fəlakətləri və əhalinin yerdəyişməsində qeydə alınan rekord rəqəmlər fonunda insan alverçilərinin hədəfinə düşənlərin sayı daha da artır.

Müəyyən edilmiş qurbanların əksəriyyəti qadın və uşaqlardır. Onların çoxu qəddar zorakılığa, məcburi əməyə, dəhşətli cinsi istismara və sui-istifadəyə məruz qalır.

Buna baxmayaraq, insan alverçiləri cəzasız qalaraq fəaliyyətlərini davam etdirirlər. Onların cinayətlərinə demək olar ki, kifayət qədər diqqət yetirilmir. Bu yanaşma dəyişməlidir.

Biz qurbanların aşkarlaması və müdafiəsinə daha çox sərmayə yatırmalıyıq. İnsanları əşya kimi satan cinayətkarların məhkəmə qarşısında cavab verməsi üçün hüquq-mühafizə orqanlarını gücləndirməliyik. Biz həmçinin insan alveri qurbanlarının həyatlarını yenidən qurmaları üçün daha çox iş görməliyik.

Bu Ümumdünya insan alverinə qarşı mübarizə günündə gəlin insan alveri qurbanlarını aşkar etmək, qorumaq və dəstəkləmək üçün səylərimizi ikiqat artıraq və heç bir insan alveri qurbanını diqqətdən kənarda qoymayaq.

Gəlin birlikdə heç kimin satılıb-alınmadığı və istismar edilmədiyi bir dünya quraq".

Məqalədə:
Xəbər lenti

Xəbər lenti