Bakı. Trend:
Türkiyənin xarici işlər naziri Hakan Fidan və İsveçin xarici işlər naziri Tobias Bilström arasında telefon danışığı baş tutub.
Trend xəbər verir ki, bu barədə Türkiyə XİN-in mətbuat xidmətindən məlumat verilib.
Məlumata əsasən, telefon danışığı zamanı tərəflər İsveçdə Quranın yandırılmasını müzakirə ediblər. Türkiyənin xarici işlər naziri söz azadlığı adı altında bu cür hərəkətlərin davam etdirilməsinin yolverilməzliyini vurğulayaraq, İslam dünyasında kəskin reaksiyaya səbəb olan bu hücumların qarşısının alınması üçün İsveç hökumətindən konkret addımların gözlənildiyini qeyd edib.
Tərəflər həmçinin İsveçin NATO-ya qəbulu prosesini də müzakirə ediblər.