Bakı. Trend:
Futbol üzrə Fransa çempionatının 33-cü turunda keçirilən “Havr” – “Marsel” oyunu tribunalarda baş verən iğtişaşlar səbəbindən dayandırılıb.
Trend-in məlumatına görə, görüş "Havr"ın ev stadionunda keçirilib.
Oyunun ikinci hissəsində “Havr” azarkeşləri meydançaya daxil olmağa cəhd ediblər. Baş hakim komandaları tunelə göndərərək matçı saxlayıb. Oyunun dayandırıldığı vaxt “Marsel” 1:0 hesabı ilə öndə idi.
Hazırda “Marsel” 59 xalla turnir cədvəlində ikinci, “Havr” isə 31 xalla 16-cı yerdə qərarlaşıb. Hadisə ilə bağlı araşdırma aparılır.