Bakı. Trend:
ABŞ-nin Kaliforniya ştatında atışma olub, ən azı dörd nəfər ölüb.
Trend xarici KİV-ə istinadən xəbər verir ki, hadisə ştatın "Cook"s Corner" barında baş verib.
Atəş açan şəxs də daxil olmaqla, ən azı dörd nəfər həlak olub. Atəş açan şəxsin əvvəllər polisdə xidmət etdiyi və hadisənin onun boşandığı arvadı ilə mübahisə zəminində baş verdiyi deyilir.
Daha altı nəfər xəstəxanaya yerləşdirilib, onlardan beşi güllə yarası alıb.