...

G7 liderləri onlayn görüş keçirəcək

Dünya xəbərləri Materials 9 Oktyabr 2023 09:00 (UTC +04:00)
G7 liderləri onlayn görüş keçirəcək
Humay Ağacanova
Humay Ağacanova
Bütün xəbərlər

Bakı. Trend:

Yeddilik Qrupu (G7) ölkələrinin liderləri süni intellekt tərtibatçıları üçün təlimatları müzakirə etmək üçün 2023-cü ilin payızında onlayn görüşəcəklər.

Trend xəbər verir ki, bunu Yaponiyanın baş naziri Fumio Kişida BMT-nin himayəsi altında Kiotoda davam edən İnternet İdarəçiliyi üzrə Beynəlxalq Forumunda deyib.

"Biz ilin sonuna kimi etibarlı süni intellektin tətbiqi üçün zəruri olan tövsiyələri formalaşdırmaq qərarına gəldik. Bu mövzuda G7 liderlərinin onlayn görüşü üçün plan hazırlayırıq. Görüş payızda baş tutacaq”, - deyə o bildirib.

Yaponiya hökumətinin başçısı qeyd edib ki, G7 çərçivəsində bu iş onun Xirosimada keçirilən sammitdə süni intellektin beynəlxalq tənzimlənməsinin müzakirəsinin zəruriliyi ilə bağlı verdiyi təklif əsasında həyata keçirilir.

Kişidanın sözlərinə görə, Yaponiya süni intellekt texnologiyalarına böyük diqqət yetirir.

O qeyd edib ki, oktyabrda hökumət süni intellektin inkişafını kiçik və orta biznesdə sürətləndirmək, eləcə də tibb sahəsində belə texnologiyaların tətbiqini təşviq etmək üçün vəsait ayıracaq.

Məqalədə:
Xəbər lenti

Xəbər lenti