Bakı. Trend:
İsrail HƏMAS-a hərbi əməliyyatları bir həftəlik dayandırmağı təklif edib.
Trend xəbər verir ki, bu barədə "Axios" agentliyi məlumat yayıb.
Məlumata görə, İsrail qadınların, 60 yaşdan yuxarı girovların, eləcə də xəstə, ciddi yaralanmış və təcili tibbi yardıma ehtiyacı olan digər israilli girovların azad edilməsi qarşılığında hərbi əməliyyatları bir həftəlik dayandırmağa razılaşacağını bildirib. Həmçinin, atəşkəs qarşılığında İsrailə daha ciddi hücumlarda ittiham olunan fələstinli girovları azad edəcəyinin mümkün olduğu bildirilib.
İsrail rəsmiləri onlarla bu cür fələstinli girovun olduğunu, onların yaşlı və ya xəstə olduqlarını və humanitar razılaşma çərçivəsində azad oluna biləcəyini qeyd edib.
Xatırladaq ki, ötən gün HƏMAS Qəzza zolağında saxlanılan üç israilli girovun videomüraciətini yayımlayıb. Videomüraciətdə yaşlı girovlar səhhətləri ilə bağlı problemlər olduğunu bildirib və İsrail hökumətindən onları nəyin bahasına olursa-olsun azad etməsini tələb ediblər.