Bakı. Trend:
Fransanın Sen və Marn departamentindəki həbsxananın 6 nəzarətçisi saxlanılıb.
Trend-in məlumatına görə, onlar dustaqlara narkotik vasitə, spirtli içki və mobil telefon ötürməkdə ittiham olunurlar. Şübhəli şəxslərin bəzi dustaqlarla 2022-ci ilin oktyabrından qanunsuz əlaqələr qurduğu müəyyən edilib. Onların əməlləri penitensiar xidmətə edilən şikayət nəticəsində üzə çıxıb.
Saxlanılan şəxslər barəsində həbs qətimkan tədbiri seçilib.