Bakı. Trend:
Braziliyanın cənubundakı Pontal-du-Parana şəhərində supermarketin damı uçub. Hadisə nəticəsində 3 nəfər ölüb, 10 nəfər yaralanıb.
Trend-in məlumatına görə, bu barədə yerli yanğınsöndürmə idarəsi məlumat yayıb.
Faciə yüzlərlə insanın açılış mərasiminə qatıldığı “Super Rede Atacadista” supermarketində baş verib.
Supermarketin su çənləri damın uçmasına səbəb olub.
Faktla bağlı araşdırma aparılır.