Bakı. Trend:
Yerdə maqnit fırtınası G3 (güclü) səviyyəsinə yüksəlib.
Trend TASS-a istinadən Tətbiqi Geofizika İnstitutundan xəbər verir ki, "G3 (Kp = 6,67) artıq altı saatdır qeydə alınır," - deyə İPG-nin nümayəndəsi bildirib.
Əvvəlcə "Fobos" hava mərkəzinin aparıcı mütəxəssisi Mixail Leus maqnit fırtınasının G1 (zəif səviyyə) sinfinə aid olduğunu bildirmişdi.
Yerin maqnit sahəsinin pozulma dərəcəsi alimlər tərəfindən beş səviyyəli şkala ilə ölçülür, burada G1 ən zəif pozulma, G5 isə ən güclü maqnit fırtınasıdır. Əgər səviyyə G2-dən aşağı düşərsə, maqnit sahəsinin pozulması ciddi nəticələr doğurmur.