Bakı. Trend:
ABŞ-ın keçmiş prezidenti və Respublikaçılar Partiyasından prezidentliyə namizəd Donald Tramp ona qarşı yenidən sui-qəsd cəhdində prezident Cozef Baydeni və vitse-prezident, eyni zamanda prezidentliyə namizəd Kamala Harrisi ittiham edib.
Trend-in məlumatına görə, “Fox News”a müsahibəsində Tramp, prezident Baydenin və vitse-prezident Harrisin onu “demokratiyaya təhdid” adlandırmasının ikinci sui-qəsd cəhdinə səbəb olduğunu vurğulayıb.
"Onların ritorikası mənə qarşı atəş açılmasına gətirib çıxardı. Halbuki, mən bu ölkəni xilas edəcək yeganə şəxsəm, onlar isə həm daxildən, həm də xaricdən ölkəni məhv edirlər. Buna 'daxili düşmən' deyilir. Onlar həqiqi təhdiddirlər," - deyə Tramp əlavə edib.