Bakı. Trend:
“Hizbullah”ın silahlı birləşmələri Livanın cənubunda İsrail ordusuna qarşı mübarizədə uğurlu əməliyyatlar keçirərək onların canlı qüvvə və texnika baxımından ağır itkilər verməsinə səbəb olub.
Trend-in məlumatına görə, bu barədə təşkilatın “Telegram” kanalında yerləşdirilmiş məlumatda bildirilib. Məlumata əsasən, oktyabrın 1-dən bəri baş verən qarşıdurmalarda İsrail ordusu 90-dan çox canlı qüvvə itirib, 750 nəfər isə yaralanıb.
Bundan əlavə, əməliyyatlar zamanı 38 Merkava tankı, 4 buldozer, 4 zirehli texnika və zirehli transportyor raketlərlə vurulub. Eyni zamanda, 3 Hermez 450 və 1 Hermez 900 pilotsuz təyyarəsi də yox edilib.