Bakı. Trend:
Yəmənin "Ənsar Allah" hərəkatının husi üsyançıları Ərəb dənizində
ABŞ-ın esminesinə və üç təchizat gəmisinə hücum ediblər.
Trend-in məlumatına görə, bu barədə qiyamçıların hərbi nümayəndəsi Yəhya Sariya açıqlama verib. O, hücumun Ərəb dənizi və Ədən körfəzində 16 ballistik və qanadlı raket, eləcə də pilotsuz uçan aparat vasitəsilə həyata keçirildiyini bildirib.
Hücum nəticəsində "Stena Impeccable" tankeri, "Maersk Saratoga" konteyner gəmisi və "Liberty Grace" yük gəmisi atəşə tutulub.
Sariya əlavə edib ki, husilər Qəzza zolağındakı hərəkətlər dayandırılana qədər ABŞ və İsraillə əlaqəli gəmilərə hücumlarını davam etdirəcəklər.