Bakı. Trend:
ABŞ-ın yeni seçilmiş prezidenti Donald Tramp, Co Baydenin oğlu Hunteri əfv etmək qərarını "sui-istifadə" və "ədalətin pozulması" kimi qiymətləndirib.
Trend-in məlumatına görə, Tramp özünün Truth Social səhifəsində qeyd edib ki, Hunterə verilən əfv, 2021-ci ilin yanvarın 6-da Kapitoliyə basqın edənlərin əfv edilməsini də əhatə edibmi. O, bu hərəkəti ədalətsizlik və sui-istifadə olaraq qiymətləndirib.
Trampın dediklərinə görə, yanvarın 6-da Kapitoliyə basqın edənlər, "siyasi məhbus" olaraq ədalətsiz şəkildə mühakimə ediliblər. Tramp və tərəfdarları, bu şəxslərin həbsinin siyasi motivlərlə həyata keçirildiyini iddia edirlər.
xxx
05:46
ABŞ Prezidenti Co Bayden oğlu Hunter Baydeni iki məhkəmə işi üzrə əfv edib.
Trend xəbər verir ki, bu barədə Ağ Evin mətbuat xidməti prezidentin bazar günü yayılan bəyanatında məlumat verib.
"Bu gün mən oğlum Hunter üçün əfv imzaladım," – deyə sənəddə qeyd olunub.
NBC daha əvvəl mənbələrə istinadən əfv qərarının bazar günü axşam açıqlanacağını bildirmişdi.
Qeyd edək ki, Co Bayden daha əvvəl dəfələrlə oğlunu əfv etmək ehtimalını istisna etdiyini bəyan etmişdi.