Bakı.Trend:
Rumıniya ordusu sərhədyanı hava məkanına F-16 qırıcılarını qaldırıb.
Trend ölkənin yerliKİV-lərinə istinadən xəbər verir ki, bu barədə Rumıniyanın Müdafiə Nazirliyinin bəyanatında deyilir.
Bildirilir ki, ölkənin monitorinq və müşahidə sistemi Ukraynanın hava məkanında - Rumıniya sərhədlərinə yaxın uçuş trayektoriyalarında pilotsuz uçan aparatların peyda olduğunu qeydə alıb.
“Yaranmış vəziyyətlə əlaqədar Borçedə yerləşən 86 saylı hava bazasından hava polisinin döyüş xidmətinin tərkibinə daxil olan Rumıniya Hərbi Hava Qüvvələrinin iki F-16 təyyarəsi havaya qaldırılıb”, - bəyanatda deyilir.