Bakı. Trend:
İsrailin baş naziri Benyamin Netanyahu Qətərə İsrail nümayəndə heyətinin getməsinə dair göstəriş verib.
Trend-in məlumatına görə, bu barədə "Ynet" portalı mənbəyə istinadən xəbər verib.
Bildirilib ki, nümayəndə heyəti Qəzzada atəşkəs razılaşmasının texniki detallarını müzakirə edəcək.
Qeyd olunub ki, B.Netanyahu ABŞ-dən qayıtdıqdan sonra Qəzzadan girovların azad edilməsinə dair sazişin ikinci mərhələsinə dair Nazirlər Kabinetinin iclasını keçirəcək. Nümayəndə heyətinə Mossad kəşfiyyat agentliyinin, Baş Təhlükəsizlik Xidmətinin və İsrail Müdafiə Qüvvələrinin nümayəndələri, həmçinin İsrailin oğurlanmış və itkin düşmüş şəxslərlə bağlı koordinatoru Qal Hirş daxildir.