Bakı. Trend:
Çexiyanın mədəniyyət və memarlıq abidəsi olan, həmçinin ölkənin nüfuzlu konsert məkanı olan Praqadakı Bələdiyyə Evi bomba təhlükəsi səbəbindən boşaldılıb.
Trend xəbər verir ki, bu barədə “Novinky” xəbər portalı polisə istinadən məlumat yayıb.
Təhlükə anında, şəhərin mərkəzində yerləşən sarayda çex topu keçirilirdi. Naməlum şəxs polisə zəng edərək İcma Evində partlayıcı qurğu yerləşdirdiyini iddia edib. 500-ə yaxın iştirakçı təxliyə edilib.
Hadisə yerinə onlarla polis əməkdaşı və yanğınsöndürən cəlb edilib. Ekspertlər, İcma Evinin binalarını yoxlayıblar. Sarayın yaxınlığında piyada və avtomobillərin hərəkəti dayandırılıb.
Sonradan portal polisin binada partlayıcı qurğu tapmadığını bildirib. Əməliyyat başa çatdıqdan sonra tədbirin iştirakçıları İcma Evinin salonlarına qayıdıblar.