Bakı. Trend:
Karolina İnstitutundan olan alimlər xərçəng hüceyrələrinin yayılmasını təbii yolla zəiflətməyə qadir olan mexanizm aşkarlayıblar.
Trend xəbər verir ki, bu haqda elmi tədqiqatın nəticələri EMBO Molecultar Medicine nəşrində dərc olunub.
Məqaləyə əsasən, Şaperon-Vasitəli Autofaqiya (Chaperone-mediated autophagy –CMA) adlı prosesin bundan əvvəl şişlərin artımında rolu olduğu güman edilsə də, o əksinə metaztazları zəiflədirmiş.
Ağ ciyər xərçəngi və beyin metaztasından əziyyət çəkən pasiyentlərdən götürülmüş nümunələrin analizi göstərib ki, metaztazlarda LAMP2A səviyyəsi ilkin şişlərlə müqayisədə əhəmiyyətli dərəcədə az olub. Bu onu isbat edir ki, CMA həqiqətən xərçəngin yayılmasının qarşısını kəsə bilir. Eyni effekt digər 19 orqanda da müşahidə olunub.