Bakı. Trend:
Fevralın 14-dən sətəlcəmdən müalicə olunan Papa Fransiskin vəziyyəti yaxşılaşmağa davam edir.
Trend-in məlumatına görə, bu barədə Müqəddəs Taxt-Tacın mətbuat xidməti bildirib.
Məlumata əsasən, gecə saatlarında ona maska vasitəsilə süni ventilyasiya verilməsi dayandırılıb.
"Kritik olaraq xarakterizə edilən Papanın vəziyyəti yaxşılaşmağa davam edir. Tənəffüs və hərəkət fizioterapiyası öz bəhrəsini verir", - deyə 88 yaşlı pontifiki müalicə edən həkimlər bildiriblər.
Onun mümkün evə buraxılma vaxtı barədə məlumat verilməyib. Amma onun işə başladığı bildirilib.