Bakı. Trend:
Pakistanın cənub-qərbində yerləşən Baloçistan əyalətində yanacaq daşayan yük maşınının partlaması nəticəsində 2 nəfər həlak olub, 56 nəfər yaralanıb.
Trend xəbər verir ki, bu barədə ölkənin yerli KİV-ləri məlumat yayıb.
Məlumata görə, yanğın yük maşının yanacaq çəlləyindəki sızma nəticəsində baş verib. Hadisə yerində yanğınsöndürənlər və digər insanlar olduğundan partlayışda onlarla şəxs müxtəlif dərəcəli yanıq xəsarətləri alıb.
Ölənlərdən biri yük maşının sürücüsüdür. Yaralılardan 12-nin vəziyyətinin ağır olduğu deyilir.