Bakı. Trend:
Suriyanın Latakiya şəhərinin şimalında yerləşən Maşkita kəndinin sakinlərinə naməlum silahlıların hücumu nəticəsində azı 5 nəfər həlak olub.
Trend-in məlumatına görə, bu barədə "Sham TV" televiziya kanalı xəbər verib.
Məlumata əsasən, daha üç mülki şəxs yaralanıb.
Latakiya vilayətində yerləşən Maşkita kəndində əsasən Suriyanın keçmiş lideri Bəşər Əsədin ailəsinin mənsub olduğu dini azlıq olan ələvilər yaşayır.