Bakı. Trend:
Ötən il işğaldan azad olunmuş ərazilərin yenidən qurulması və bərpası layihəsində nəqliyyat infrastrukturunun payının yüksək olduğu müşahidə olunur.
Trend xəbər verir ki, bu barədə Hesablama Palatasının “2024-cü il dövlət büdcəsinin icrası haqqında” qanun layihəsinə verdiyi rəydə bildirilir.
Məlumata görə, hesabat dövründə İşğaldan azad olunmuş ərazilərin yenidən qurulması və bərpası layihələrinə ödənilmiş vəsaitin (icra edilmiş) 74,4%-i (2023-cü ildə 76,6%) nəqliyyat infrastrukturuna yönəldilib.
Ümumiyyətlə, dövlət büdcəsinin icrası barədə məlumatlara əsasən, 2024-cü ildə İşğaldan azad olunmuş ərazilərin yenidən qurulması və bərpası üzrə 170 layihəyə vəsait nəzərdə tutulub. Büdcə xərclərinə daxil olan layihələrin 18-i üzrə 2024-cü ildə vəsait ödənilməyib, o cümlədən 16 layihə üzrə maliyyələşmə olmayıb və 2 layihə üzrə 1,5 milyon manat maliyyələşmə olsa da, vəsait ödənilməyib.