Bakı. Trend:
İsrail hava qüvvələrinin ötən gecə Qəzza bölgəsinin mərkəzində yerləşən Nüseyrət qaçqın düşərgəsinə endirdiyi zərbə nəticəsində “Əl-Qüds Briqadaları” ekstrimist qruplaşmasının komandiri Əhraf əl-Xatib öldürülüb.
Trend bu barədə İsrail mediasına istinadən xəbər verir.
Məlumata görə, zərbədə Xatiblərin qaldığı ev hədəfə alınıb. O və onun həyat yoldaşı həlak olub, bir neçə nəfər yaralanıb.
Qeyd edək ki, bundan əvvəl İsrail müdafiə qüvvələrinin (IDF) HƏMASın silhalı qanadının komandiri Məhəmməd Əl Həvlinin Deyr-əl-Bələ rayonunda qaldığı evində hava zərbəsi ilə zərərsizləşdirdiyi barədə məlumat yayılmışdı.
HƏMAS-ın rəsmi nümayəndəsi Osama Həmdan hərbi qanad komandiri Həvlinin öldürüldüyünü təsdiqləmişdi.