Bakı. Trend:
Filippinin mərkəzində yerləşən Sebu şəhərində bir poliqonda baş verən torpaq sürüşməsi nəticəsində ölənlərin sayı 27-dən 35-ə yüksəlib.
Trend xəbər verir ki, bu barədə ABS-CBN News kanalı məlumat yayıb.
Məlumata görə, daha bir nəfər hələ də itkin düşüb. Filippin xilasediciləri axtarış-xilasetmə əməliyyatlarını davam etdirirlər.
Qeyd edək ki, yanvarın 8-də Sebu şəhərindəki zibilxanada torpaq sürüşməsi baş verib. Hadisədən sonrakı ilk saatlarda dağıntılar altından 12 nəfər sağ çıxarılıb.