Bakı. Trend:
Qazaxıstanın şimalındakı Akmola vilayətində “Şoptıkol” bəndi yarılıb.
Trend xəbər verir ki, bu barədə respublikanın Fövqəladə Hallar Nazirliyinin mətbuat xidmətindən bildirilib.
Məlumata görə, hidrotexniki qurğu Qorğaljın rayonunun Sabındı kəndindən 2 kilometr şimalda yerləşir və hazırda ərazidə bərpa işləri aparılır. Hadisə yerində suyun təhlükəsiz şəkildə buraxılması üçün operativ tədbirlər görülür.
Fəsadların aradan qaldırılmasına FHN-in, yerli icra hakimiyyəti orqanlarının, rayon polis şöbəsinin, eləcə də yol xidmətlərinin qüvvə və vasitələri cəlb olunub. Ümumilikdə 170-ə yaxın şəxsi heyət və 43 texnika işlərə səfərbər edilib.
Qurumdan bildirilib ki, bəndin möhkəmləndirilməsi, lazımi materialların tökülməsi və suyun kənarlaşdırılması istiqamətində tədbirlər davam etdirilir.