Ukrayna parlamenti qarşısında Regionlar, antiböhran koalisiyasına dəstək olaraq minlərlə adamın iştirakı ilə mitinq keçirilir. Regionlar Partiyasının lideri Viktor Yanukoviç mitinq iştirakçılarına müraciət edərək bildirib ki, xalqı məğlub etmək mümkünsüzdür.
Trend "RBK"ya istinadən xəbər verir ki, koalisiya yaratmış bütün siyasi qüvvələrin nümayəndələrindən ibarət mitinq iştirakçıları Regionlar, Kommunist və Sosialist partiyalarının bayraqlarını və Ukraynanın dövlət bayrağını əllərində tutub. Burada "Geniş koalisiya - dövlət sabitliyinin zəmanətçisi ", "Ukrayna - təkcə meydan deyil ", "Prezident, bütün Ukrayna haqqında düşün ", "Moroz - xalq spikeridir ", "Viktorlar, Ukraynanı birləşdirin" kimi şüarlar səsləndirilir.