...

Qəzaya uğramış TU-154 təyyarəsində həlak olanların qohumları 100 min rubl alacaq

Dünya xəbərləri Materials 24 Avqust 2006 14:16 (UTC +04:00)

Trend-i buradan izləyin

Rusiyaya məxsus TU-154 təyyarəsinin qəzaya uğraması nəticəsində həlak olan Norilsk sakinlərinin qohumları 100 min rubl alacaq. Bu barədə jurnalistlərə Krasnoyar vilayəti qubernatorunun birinci müavini Vasili Kuzubov məlumat verib.

Trend in RİA Novosti-yə istinadən xəbər verdiyi kimi, onun sözlərinə görə, maddi kömək şəhər ehtiyat fondundan ayrılacaq.

O bildirib ki, həlak olmuş 160 nəfər sərnişindən 22-si, o cümlədən 6 uşaq Norilsk sakini olub.

V.Kuzubov əlavə edib ki, cümə axşamı Donetskə - laynerin düşdüyü yerə həlak olanların qohumlarından ibarət daha bir qrup gələcək.

Pulkovo aviaxətlərinə məxsus Anapa-Sankt-Peterburq reysini yerinə yetirən TU-154 təyyarəsi avqustun 22-də Donetskin 45 km-də qəzaya uğrayıb. Avialaynerin göyərtəsində olan 170 nəfərin hamısı həlak olub.

Avqustun 24-ü Rusiyada matəm günü elan olunub.

Xəbər lenti

Xəbər lenti