Azərbaycan, Bakı, 5 iyun /Trend/
Almaniyanın nüfuzlu "Diplomatisches Magazin" jurnalında "2015-ci il Avropa Oyunlarına dair məlumat axşamı" adlı məqalə dərc olunub.
Trend-in məlumatına görə, məqalədə bildirilir ki, cari il aprelin 29-da ilk Avropa Oyunları ilə əlaqədar Azərbaycanın Almaniyadakı səfirliyində Berlin Alman Jurnalistlər Birliyinin üzvü olan təxminən 30 jurnalistlə görüş keçirilib.
Görüşdə səfir Pərviz Şahbazov Azərbaycanda idmanın inkişafından danışıb və iyunun 12-də Bakıda, 65 min nəfərlik tamaşaçı tutumu olan Olimpiya Stadionunda Avropa Oyunlarının açılış mərasiminin keçiriləcəyini diqqətə çatdırıb.
Səfirliyin müşaviri Rizvan Nəbiyev isə görüş iştirakçılarına Azərbaycanda gedən inkişaf prosesləri, həmçinin Ermənistan-Azərbaycan, Dağlıq Qarabağ münaqişəsi haqqında məlumat verib.