Azərbaycan, Bakı, 15 fevral /Trend, müxbir İ.İsabalayeva/
Azərbaycanı "Eurovision 2012" mahnı müsabiqəsində təmsil edəcək Səbinə Babayeva bunun böyük məsuliyyət olduğunu bildirib.
Trend-in çərşənbə günü müsabiqənin rəsmi saytına istinadən verdiyi məlumata görə, bunu Səbinə Babayeva həmin sayta müsahibəsində bildirib.
"Mənim üçün Azərbaycanı Azərbaycandakı şouda təmsil etmək böyük məsuliyyətdir", - Babayeva deyib.
Səbinə Babayeva "Eurovision" mahnı müsabiqəsinin milli seçim turunda 2008-ci ildən ardıcıl iştirak edib. Bu müddətdə heç vaxt ruhdan düşmədiyini deyən Səbinə Babayeva Azərbaycanı "Eurovision" müsabiqəsində təmsil etməyin ən böyük arzusu olduğunu bildirib.